艺人林盛斌（Bob）不时在YouTube拍片教导各种提升运气、人际关系、说话技巧的方法。继2020年分享长银包催财大法，来到农历新年，Bob继续教导大家如何增添财运。他分享了一个真人真事。在两、三年前，Bob认识了一位新朋友，而该位朋友是位生意人，但随后友人经历生意失败，变债务缠身，但却在短短两年时间便从谷底翻身，Bob说：「佢只系用咗短短两年时间，就可以由谷底全面翻身，生意愈来愈好，人缘愈来愈好。」Bob询问友人：「点解你可以咁好运㗎呢？」该位友人就分享了「运气逆转的4大方法」。
即睇林盛斌朋友教路逆转运气4大方法：
Bob分享真人真事。他说：「早两、三年，我识咗位朋友，佢系一个做生意几叻嘅人，中间就因为生意做得唔系太好，就非常之失败，仲争人好多钱。」
他续表示：「但佢只系用咗短短两年时间，就可以由谷底全面翻身，生意愈来愈好，人缘愈来愈好。」
Bob：「咁我就好有兴趣问佢啦！我就问老板，点解你可以咁叻，谷底翻身，咁好运㗎呢？」友人就分享了4个逆转运气的方法。
第一个方法： 笑多一点。
Bob说：「笑多啲系一个令自己运气马上提升嘅一个好好嘅方法。」
友人解释道，微笑是很大力量：「因为你笑多啲嘅时候，身边嘅人系愿意同你倾偈，愿意同你沟通，愿意同你交往，所有嘢都系由笑开始嘅。」
Bob思考过后认同，他说：「咁我谂返我自己都系，如果嗰一期我唔系好开心，成日都苦口苦面，你又发现啲运会争好远。」
第二个方法：少抱怨，多赞美
Bob：「其实一个人嘅运气同身边嘅风水好有关系㗎！咩叫身边嘅风水呀？即系你身边嘅朋友、屋企人，呢啲嘢全部都系影响紧你。」
Bob指要远离负能量的人，他说：「如果你成日自怨自艾嘅，要改咗佢。如果你身边嘅朋友系咁嘅话，你劝吓佢，叫佢唔好成日投诉抱怨。如果讲过好多次佢都唔听，咁就请你慢慢远离呢啲人，因为佢会拖累你。」
他又指：「如果你见到你嘅朋友剪咗新发型，你赞吓佢，你发型几靓喎！你朋友买咗件新衫，着出嚟之后赞佢，你着得几靓。」
Bob：「又或者你朋友帮咗你，你多谢佢，讲几句赞美嘅说话，你好好，好乐于助人。讲多啲呢啲说话，呢啲说话系令你气场更加好，身边嘅人愿意同你倾偈，帮助你、亲近你多啲。自然地风水好，运势自然好。」
Bob又指经常看见网上讨论区的负面留言，：「当你咁唔开心去留一啲咁负面嘅留言呢，个能量系好差，我相信佢哋嘅生活都唔系太开心。」
第三个方法：戒除所有负面想法、情绪。
Bob坦言：「唔好畀呢啲情绪影响你太耐，可能两、三个钟头，三、四个钟头，够㗎啦！唔好将呢啲唔开心嘅负面情绪留到第二日。」
Bob指人的运势其实是一道气，「当你每一日都精神抖擞，行出嚟好友气势，好有气场，你嘅运气、运势自然增加。」
而当你经常自怨自艾，叹气，「你嘅气场自自然然会下跌，系你自己攞嚟。」所以心态要更积极。
第四个方法：做多啲有利他人的事。
Bob提醒：「切记要系你能力范围之内，可以做到，为别人带来价值嘅事。」
日子有功，Bob说：「如果你做得呢啲嘢多嘅话，感恩嘅人系会愈嚟愈多。好简单，当你系个受众，如果有人帮你，你会记住，你会帮返其他人，或者帮你嗰个人。」
Bob说：「你对佢好，佢咪对你好。你对佢更好，佢咪对你更好。如果你做返对人好嘅事情，最后所有嘅事情，都会回报到你身上。」
Bob总结道，状态是风水，心态是运气，最重要是锻炼到内心强大，运气、事业、人缘自然会变好。