换命真相|刘佩玥入行8年从未担正 唔羡慕蔡思贝:唔想侥幸去做

#艺人专访 #刘佩玥 #换命真相 #astro.com.my #华人华语 #华语娱乐 #XLCab.net

刘佩玥(Moon)以港姐季军入行后,一直备受公司力捧,剧接剧的她更饰演过不少著名角色,代表作包括《城寨英雄》中的Audrey、《幕后玩家》的「最强小三」Emma、《降魔的系列》中的啤啤以及《逆天奇案》的毒妇尤丽。甚至在新剧《换命真相》中,刘佩玥所演的杨紫山娇纵泼辣,非常有火,加上有不少性感的演出,绝对比女主角邓佩仪更为抢戏!虽然机会多,且角色鲜明,但入行8年刘佩玥一直未有机会上到一线花旦之位……


换命真相|刘佩玥

刘佩玥在《换命真相》中,所演的杨紫山娇纵泼辣。(剧照)



换命真相|刘佩玥
换命真相|刘佩玥
换命真相|刘佩玥
换命真相|刘佩玥

+20


入行8年未坐正做女一 刘佩玥唔心急:想有实力咁去做 相比起同届的冠军陈凯琳和亚军蔡思贝,刘佩玥的付出和努力绝对有过之而无不及。刘佩玥接受《香港01》访问时亦毫不忌讳想做女主角:「冇得咁比,每个人行嘅路都唔一样。思贝系视后,系女主角,咁一定有佢自己面对紧嘅嘢,我自己都有自己要面对嘅嘢。做女一咁梗系想啦,但系我真系拍剧嘅话讲紧系6年多啲嘅事,我都未系好有经验或者好老练,其实做女二、女三、配角咩都好,我觉得永远冇一个小角色,只系得小心眼,无论咩角色你都可以利用佢去发挥。我自己嘅性格都比较正面同乐观,所以唔会去谂究竟系咩嘅Position(位置),我只系每一次都好想去做好佢。至于女一,我希望喺未来我有机会做女一嘅时候,咁咪将我所有而家识晒嘅嘢可以摆落去,唔系觉得侥幸咁样去做,而系有实力咁去做,咁样好过快一人步,可能我个态度系咁,所以吸返嚟嘅都系好沿着自己想要嘅嘢去。」


刘佩玥入行8年从未担正

同届的冠军陈凯琳和亚军蔡思贝早已担正做女一,蔡思贝今年更成为出炉视后。(VCG)


刘佩玥入行8年从未担正

刘佩玥的演技多次获肯定!(周倪莹摄)


稳坐「TVB最强娘娘」地位多年 直呼冤枉:我觉得会有报应! 刘佩玥凭甜美笑容及亲和力,一直被誉为「疗愈系女神」,绯闻不绝的她更被称为「TVB最强娘娘」,兵仔阵容包括:黄又南、何猷亨、翟威廉、伍允龙、黄子恒、黄宗泽及周志文,虽然刘佩玥多次大呼冤枉,但依然被「定形」:「好惨呀,我真系冇乜人追,入行以嚟同我玩嘅男仔都系觉得我好倾得偈,当我系兄弟,如果我钟意一个男仔好快就会知,我唔会令对方有误会,Keep住对我好而我唔钟意,我觉得会有报应,不过有呢个称号我都唔会特别嬲。」


刘佩玥入行8年从未担正

刘佩玥稳坐「TVB最强娘娘」地位多年!(周倪莹摄)


刘佩玥入行8年从未担正

刘佩玥入行8年从未担正


刘佩玥入行8年从未担正

刘佩玥入行8年从未担正

刘佩玥入行8年从未担正

+2

不介意另一半公屋出身 追求简单生活:再有钱都带唔走 刘佩玥与周志文的绯闻传足4年,二人虽然从未公开承认过恋情,但关系越来越浮面,刘佩玥更多次被影到上男方位于蓝田平田邨公屋,问到二人关系,刘佩玥继续坚称是「好朋友」但就对对方的动向了如指掌:「佢喺内地做嘢,仲要系自己一个人上去,系一定要畀支持。(之前有分手疑云?)真系唔关事,谂多咗呀,『要好好的』系叫佢加油!(冇分手呢回事?)我哋系好朋友,感情一路都好好。」虽然否认是男友,但由此可见刘佩玥并不是「拜金女」,她又直认择偶从不看出身:「我觉得靓仔有一日都会老,再有钱都带唔走,最紧要系相处到、沟通到,简简单单就得㗎啦,我真系咁样谂。(系咪都唔会介绍男朋友系公屋出身?)唔介意,点会介意呀,我唔会觉得系一个好大嘅问题,佢有佢搵钱,我有我搵钱,最紧要系我搵到,我唔钟意身边嗰个人使好大钱系我身上,我觉得AA系完全冇问题,我自己追求嘅系一个对等嘅关系,我从来唔会要求对方畀太多物质上嘅嘢我,如果我要我会做到。」


刘佩玥入行8年从未担正

近年相当低调,极少有合照。(IG/@adrianccm)


绯闻男友周志文企正在刘佩玥身后,显示非一般地位。(IG图片/arryuu )



刘佩玥的回应。(ig截图)


从未收过贵重礼物:我大把钱,我使你送畀我咩? 刘佩玥更透露读大学时已经做不少兼职,除了学费外,所有生活费都是靠自己赚回来:「我做第一份工,已经可以畀返爸爸妈妈我读大学嘅钱,再可以帮到细佬嗰个学费,我唔系好钟意争人嘢,我觉得我做到系我叻,我钟意自己要嘅嘢要自己买。(收过最贵系咩?)冇收过袋,冇收过电话,你睇吓仲话我有兵,如果有,我唔使做得咁辛苦啦,真系冇乜。如果佢买袋畀我会嬲,做咩啫你觉得我买唔起咩?我大把钱,我使你送畀我咩?我意思系我唔需要你买呢啲嘢畀我,因为我可以自己买到,而我买会开心过你送畀我,我啲男朋友都好清楚呢样嘢,因为会令我唔舒服,所以一早就会讲。我妈咪成日讲,如果你钖一个男仔会想佢有多啲钱傍身,而你要钱嘅方法就系自己赚,呢样嘢我都几固执。」被「娘娘」、「拜金」等负面词语标签多年,刘佩玥选择用行动来证明自己,所以人,不能只看表面,事,不能只听片面。


刘佩玥入行8年从未担正

名牌手袋坚持自己买!(IG/@arryuu)


刘佩玥入行8年从未担正

刘佩玥极少晒名牌手袋,绝对是悭妹一名!(IG/@arryuu)


刘佩玥入行8年从未担正

刘佩玥自爆从收过贵重礼物。(IG@arryuu)


刘佩玥入行8年从未担正
刘佩玥入行8年从未担正
刘佩玥入行8年从未担正
刘佩玥入行8年从未担正
刘佩玥入行8年从未担正




+39