top of page

梁思浩重返TVB预咗再遇「世仇」乐易玲:唔原谅我都唔紧要

#大马华人 #华人华语 #华语娱乐 #XLCab.net

梁思浩主持有线灵异节目《怪谈》系列长达17年,但他早前却突然宣布退出,更有消息指他获无线(TVB)总经理曾志伟邀请,即将重返娘家担任新节目监制兼主持。梁思浩昨日(10/11)接受《香港01》访问时承认消息属实,亦坦言对《怪谈》、对有线电视感到不舍:「因为签咗保密协议,我返TVB呢个秘密系收埋咗半年,我唔可以同有线讲我咩理由唔可以继续做,而佢哋(有线)一直对我好好,无条件就我时间同人工,我系好难过,甚至系有一个合作咗好多年嘅监制打嚟搵我,『思浩,你保重身体呀,有咩要搵我呀,唔好收收埋埋』,人哋以为我有绝症,我就话,『咩都有可能,唯独我身体冇出现问题。」

梁思浩重返TVB

梁思浩昨日(10/11)接受《香港01》专访,大谈被炒17年后再重返TVB的感受。(叶志明摄)


点击下图观看8个灵探节目诡异场面,当中包括梁思浩主持的《怪谈》:


灵探节目诡异场面


灵探节目诡异场面

灵探节目诡异场面

灵探节目诡异场面

3

保密协议到期,终于咩都讲得,梁思浩亦不讳言今次相隔17年再度回巢,与曾志伟有莫大关系,眼见他过去一年对TVB仆心仆命,明显对公司有一份情:「呢一份情我都有,我唔知你有冇试过,个感觉系,你经过你母校,突然间你返番去你刚刚入学嘅岁数,好难去用言语去形容,第二份工、第三份工唔会有呢份情,虽然而家好多嘢改变咗,但系份情系冇改变到。」他又指自己在过去半年激减25磅,只为回复当年离开TVB时的体重:「当日我行出呢个门口有几多磅,我返入去就几多磅,我将自己冇变到咁交番个人返去。」


梁思浩重返TVB

梁思浩坦言对娘家TVB有一份感情。(叶志明摄)


2004年,TVB大裁员,有份被炒的梁思浩不但怒斥公司无情无义,亦向当时高层陈志云和乐易玲隔空开火:「我做Live show都超过一万小时,但系佢(乐易玲)睇电视都唔知够唔够一万小时」,而他多年亦曾数度追击过乐易玲:「张黑名单喺乐易玲个手袋入面,我同黄日华都返唔到无线,除非等乐易玲唔喺无线做就有机会。」怨气甚深。 梁思浩今次回巢,虽然不会再见到已经离开TVB的陈志云,但仍然有好大机会与乐易玲碰头。怎样面对她?梁思浩坦言三日前致电给一位圈中猛人搭路,希望与乐易玲摆和头酒,并亲口向对方说声对不起:「当年每一个人都有个位置,佢未必想咁做,但系公司要佢咁做,佢身在其位,唔可以唔做,我同佢无仇无怨,只不过系因为佢嘅职位同我有冲突,但我就不停咁闹佢,我而家人大个咗,睇法都唔同,我今日学识咗放下,我系欠佢一个道歉。」

梁思浩重返TVB

梁思浩曾经多次炮轰乐易玲,而他今次回巢便打算向对方道歉。(叶志明摄)


你肯道歉,别人未必肯原谅,始终当天确实闹得太尽、太不留余地,梁思浩亦承认如果自己是乐易玲,听到他闹得如此狠,也会火上心头:「我都嬲啦,咁闹你,你都唔嬲,圣人咩?(对方唔原谅点算?)唔紧要,咩叫释出善意,就系畀咗先,佢系咪接受,我都释出咗,起码我都有咁大嘅勇气。如果你要在意你嘅勇气有冇结果,你就唔够勇气喇。好多人都觉得,梁思浩咩都够胆讲,咁点解我唔够胆讲『对不起』三个字?」 向来言辞辛辣的梁思浩,或许受最近数年的大环境影响而肯放下身段认低威:「呢几年我同好多香港人都学识包容同埋放下,对样样嘢包容多啲,对样样嘢放下多啲,你个人就会活得自在啲,因为我哋经历咗好多唔同嘅嘢,例如疫情,我哋仲唔放下?咁我哋咪好辛苦?」

梁思浩重返TVB

梁思浩直认近年心态受大环境影响,逐渐学懂包容和放下。(叶志明摄)


www.hk01.com



最新文章

查看全部

Hmmm 要超越什麼 你至可以飛 肯定就是你 (Wow wow wow, you stand in your way) 再自訂 大量禁忌 拖跨的 肯定就是你 (Wow wow wow, don't stand in your way) 你敗在 事事顧忌 只懂得 Wow wow wow 這晚 你對鏡問 Ah 愛錯 哪個有責任 Ah 好聽點 就是 Dum-dum 真心講 就是太笨 你也算 漂亮吧 為何

歌詞 被封榜首 很難負荷 人人想擊倒 怎會好過 平淡夠了 從未要 冠軍的什麼 你值得擁有 最浪漫那個 才學做達人 唯求沒有辜負你 陪伴我 天天當你 孩子般去呵 世界縱化作漩渦 有我照顧你 風輕浪細 瀟灑走過 說到最愛你 請頒個世一給我 即使爸媽教我 謙虛些不會錯 愛你 非要第一不可 Yeah 我愛你愛到 高手全都輸給我 找好知己有我 找好歸宿有我 平時害羞的我 求第一因想你 安心倚靠我 變更好的我

bottom of page