张学友家中练歌求突破 自爆曾遭邻居投诉：管理处啲人都问点解
「歌神」张学友最近为记录历时两年三个月，合共举办过233场的《A CLASSIC TOUR学友‧经典》巡回演唱会，推出台北站及香港站的精装CD与DVD。他日前接受传媒访问时，除谈及对巡唱破尽记录的感受，也分享过去居家生活及对乐坛新人的寄语。
学友为精装CD与DVD举行记者会，并接受传媒访问。
不曾为破纪录感兴奋
学友坦言这个巡唱是歌唱生涯中最满意的演唱会，也不相信日后能再打破自己纪录，但被问到是否为此感到兴奋，学友直言没有太大感觉：「我有一个习惯系要令自己唔好太过兴奋，经过咗咁多年嘅训练，当我好兴奋、激动、情绪强烈嘅时候，自己系做唔到表演，例如我想喊会唱唔到，开心得滞会不记得歌词。当你觉得嗰个系纪录而令自己好兴奋，其实会忘晒形，有时听到欢呼声会不记得后面仲要继续唱，所以我惯常要练习，令自己有一个好稳定嘅状态。」
学友坦言不敢因演唱会破尽纪录而兴奋。
学友形容这次巡唱是歌唱事业中一个很好的过程，又谈起近年一直提醒自己要继续追求进步：「好多人都话『张学友嘅黄金时期系90年代』，如果我停咗喺嗰度，呢个演唱会咪冇咗啰。系嘅，如果你哋问我有冇机会破记录，我答你未必；但系你问我系咪会继续做，我一定继续做。我破唔到记录，咁我唱好啲得唔得呢？老实讲，你真系问我系咪会唱得好过两年前，我可以好肯定咁同你讲：系！因为我两年前觉得自己唱唔到嘅歌，我依家都唱到啦。」
问到现时坚持唱歌的意义，学友希望为后辈做好榜样，鼓励他们坚持做好能帮助自己，而不会伤害别人的事。
在家练歌竟被投诉？
近年学友不但参与电视台演出，更不时公开露面担任演唱会嘉宾，他指疫情期间除了积极维持体态，也会在家中花1至2小时练歌，主要练习过去难度较高，自己过去未必敢在公开场合演绎的作品，藉此克服对这些歌曲的恐惧。相信作为「歌神」的邻居，每日听到他的歌声会感到非常幸福，但学友却指自己曾被投诉：「管理处啲人都问『个个人都想听佢唱歌，点解你要投诉呀？』原来嗰个系印度人嚟呀，哎呀，证明我喺印度未够实力，我会继续努力！」
学友自爆曾因练歌时声量太大而被邻居投诉。
盼后辈具实力冲出香港
近年《全民造星》及《声梦传奇》两大选秀节目，令乐坛新血再次涌现。学友喜见电视台及唱片公司愿意栽培新人，令观众愿意认识新晋歌手。他希望一众后辈在公开亮相时做好充足准备：「准备得好啲就畀人话少啲，因为你面对嘅唔只系本地竞争，相信大部份新晋歌手都唔只睇本地市场，希望去到更大市场，例如大中华，甚至更远，好似韩国嘅组合会攻占埋美国市场。其实最基本嘅因素系要存在实力，唯一一点同以前唔同嘅系，我觉得我哋以前唔一定要准备好，因为嗰阵我哋仲有时间，可以五年之后企出嚟慢慢进步；但系依家已经冇呢个空间，一弹出嚟就要畀人感觉好劲，希望依家有多啲比赛举办嘅时候，同时间要加强培训。」除了炎明熹（Gigi）外，学友也留意到身边有许多人支持MIRROR，他也有恭喜ViuTV台长鲁庭晖，希望12子继续努力。
未计划开在线骚
问到明年会否开演唱会与歌迷见面，学友坦言一直有计划，但疫情成为最大变量：「未知可以几时实现呢个计划，因为现场表演始终都要睇疫情，如果嗰阵只系畀50%嘅观众入嚟，主办已经计唔掂数。其实依家系有好多在线演出，但系我唔系好想象到嗰个表演模式系点样，可能我比较落后啲，所以对我嚟讲，表演平台暂时唔系好多，但系我有计划紧。」
相信读者都希望学友可以再开演唱会！