母爱带挈演技升华 钟嘉欣会2大视帝 临场激发火花
嘉欣获推举为视后，她却不抱厚望，只求从演戏中得到满足感。
花旦钟嘉欣阔别公仔箱6年，最近在新剧演医生演技大跃进，顿时被推举成为今届视后大热！不过已是两孩之母的她直言对奖项没太多想法，只享受从角色中寻找乐趣。提到与两大视帝郑嘉颖及马国明首度合作火花不断，她笑言全因与2人不熟落，临场发挥反而产生更强化学作用。 自2015年主演剧集《警犬巴打》后，钟嘉欣就返加拿大，之后经历结婚生仔等人生大事。热爱演戏的她去年终重返娘家拍摄《星空下的仁医》，饰演儿科心脏科医生，大抵现实中是人母，所以面对剧中小朋友病人时充满母爱，观众纷纷大赞她脱胎换骨、演技有层次，有望登上今届视后宝座。 角色联系自身 问到当初为何愿意暂时放下家庭，只身返港拍剧？她指首次听到故事背景时，已感受到角色与自身的联系，自觉有信心驾驭：「呢6年成长咗好多，冇嘢会比成为父母更快速成长，尤其对小朋友题材有好深感受，今次可以同小朋友拍戏系好开心。呢套戏有讲大肚，我佗过就仲易投入。（难度喺边？）对白，医学名词要背到好熟同讲得自然，唔可以放太多感情。今次角色好有型、潇洒，做手术好叻、好快，好开心可以做到咁叻嘅女人。（观众赞你演技有层次。）多谢！我真系花咗好多心机、做咗好多功课，剧本写到花晒。」 视后宝座非首要考虑 以往多次与视后宝座擦身而过，如今机会似乎再次降临，嘉欣却淡然表示：「攞视后呢样嘢冇经过我个脑，真心冇谂，已经过咗呢个时期。20几岁时会想拎好成绩，依家心态系觉得适合同想做就去做，好多嘢唔喺掌控之内，唔系人生入面嘅重要成分，最紧要系过程中学到乜。」 剧中与马国明及郑嘉颖演同期同学兼多年好友，镜头前火花四射，镜头后却毫不熟落，嘉欣说：「嘉颖几Cool，即使多对手戏，但唔系好多沟通，同马国明就唔系好多戏。观众睇到3个一齐有火花，其实好多时系佢哋即场嚟料，大家都估唔到对方做乜嘢，埋位时你畀咩，我就畀咩你，可能就系冇特别计划下演出先有新鲜感。」
剧中与马国明及嘉颖表现合拍，嘉欣却坦言戏外接触不多。